عندك شخص مايصلي ؟ ادخلي لتعرفي كيف تقنعيه بالصلاة

عندك شخص مايصلي ؟ ادخلي لتعرفي كيف تقنعيه بالصلاة

scratch

بسم الله الرحمن الرحيم ..

أخواتي العزيزات ..
أكيد فيه أحد منا يقابله شخص يوم من الأيام متهاون أو تارك للصلاه وودك تنصحينه أو ممكن تكوني نصحتيه لكنه ما ينتصح
طيب الشخص هذا عزيز عليك .. وما ودك تتركينه كذا .. حياه بهيميه أكل وشرب ونوم وبس أكيد حاولت كم مره تنصحينه بالعقل وبالحجه ومرررررات بالعصبيه ومراااااات بالحنيه ... ولسه ما انتصح ..

حقيقه فكرت كثير في هذه النقطه والحمد لله لقيت لها حل لكن لها شروط ...
1- لازم تكون الطريقه هذه تتم في سريه بينك وبين الشخص حتى لاتحرجيه لأنها ممكن تتسبب في بكاؤه وممكن عناده فما راح يسويها لأنك أحرجتيه وشهدت الناس عليه.
2- لازم يكون الشخص مرتاح نفسيا يعني مايكون يعاني من ضغوطات الدراسه أو العمل أو أن يكون مريض .
3- الشخص اللي بينصح لازم يقف موقف حب لاااااااعداء أو تكبر أو تفاخر بأنه يحافظ على صلاته .
4- يكون شخص فاهم وعاقل وليس شخص حجمه كبير وعقله صغير .. يعرف إنك تنصحينه لأنك تحبينه وليس لأنك بتفضحينه أو بتكسرين من كبرياؤه .
أنا كتبت هذه الشروط قبل الطريقه لسبب :

أن الناس يشوفون الطريقه وعلى طول ينفذون بدون مايكملون الموضوع أو حتى يشوفون ردود الناس وهل نجحت الطريقه ام لا

(أخلصي علينا )خخخ

وأخيراً الطريقه :

بعد ماتهيئين كل الظروف السابقه من ناحيه الوقت والزمان والمكان تبدئين بهذه القصه الإفتراضيه :

قولي يافلان باخذ رأيك في موضوع .. ( هنا رح يفتخر انك بتاخذين رأيه في موضوع ) ( أتمنى من الكل يحيطون اللي حولهم بالحب والحنان اللي ممكن يحس الواحد فيه وياخذون مشورتهم حتى لو لم تعجبهم )..

قولي : أبغاك تقولي بصراحه .. لوكان عندك زميل اللي بينكم مجرد سلام .. أنت مايهمك أمره في شيء أبد وما تحتاجه أبد أبد ..وجاء في يوم من الأيام وجاله ظرف صعب جدا جدا وطلب منك بشده أنك تساعده في موضوع .. وانت أصلا أمره مايهمك لكنك رحمته ووافقت تساعده وأعطاك موعد تلتقون فيه ( الموضوع بالنسبه له موضوع مصيري ومهم جدا ) المهم انك حضرت في هذاك اليوم ولم تجده وانتظرت ساعه وساعتين وثلاث وبعدين جاك .. وش يكون رده فعلك ؟ أكيد بيقول ..
هذا واحد مستهتر .. هذا واحد يوعد وما يوفي بوعده وهذا واحد مخادع ..

قولي له :
طيب إذا قالك ان السبب .. انه كان نايم .. مايحب أحد يزعجه اذا كان نايم ويصحى من النوم عشان يروح يقابلك .. أو اذا قال أنه ماعنده وقت يجي يقابلك راح يلعب مع أصحابه ونسي موعده معك أو انه كان يشوف مباراه وبعدين مر عليك عشان يقابلك .. أو يلعب مباراه أو بلوت .. أو....

هنا ماراح يخليك تكملين كلامك ... هو فيها باقي أو ؟ والله اني لأوريه وأني ماعاد أعرفه بعد كذا وانه اذا جاني لأمرغ وجهه واني ..واني .. واني أجل أنا هنا لي 3 ساعات على اساس ان الأمر مهم ومصيري وهو نايم ؟ والا يطالع مباراه ؟ اللي مايستحي والله لو سمع صوته مرة ثانيه اسوي واسوي ووو

قولي له : طيب أذا ماجاك أبد .. ؟ وش تسوي ؟

هنا راح يرتفع المؤشر الأحمررررررررررررر ..... هنا راح يعصب من موقف الأول ..
رح يقول ...
هذا اللي مافيه رجوله ..
هذا واحد مخادع ..
واحد ماعنده احترام لالنفسه ولا للآخرين ...
واحد لايمكن انه أحد يساعده في يوم من الأيام ..
واحد أصلا مايستحق انه أحد يطالع في وجهه ..
كفايه اني تارك الناس اللي يحبوني واللي مواعدهم وأجي عند هذا الحقير اللي مافيه خير ؟

قولي له : طيب لو كان لك أفضال عليه من قبل والناس كلهم عارفينها لكنه مو مقدر هذه الأفضال اللي لك عليه لا ويحس انها من واجباتك عليه ..

رح يقولك هذا واحد حقير ما يستاهل النعمه اللي هو عايش فيها والله ما يستاهل أصلا يتسمى انسان ..
هو الآن في قمة انفعاله .. زي ما قلنا واتفقنا من قبل .. بكل حنان هديه وقولي له لكن هذا الإنسان لو طلب الله تعالى ماراح يرده ..
تخيل نفسك يا فلان انك انت هذا الشخص وهذه هي علاقتك بالله تعالى( تعالى الله علوا كبيرا ولله المثل الأعلى ) وش يكون رده فعلك ؟
يافلان انا امك ( او اين كان أخت صديقه جاره ... ) .. وانا احبك واحترمك لأنك في ردود فعلك السابقه كنت بطل ..
تجاوبت مع المسكين لما طلبك ,, وعرفت انه من الأشياء اللي تنقص في شجاعه الأنسان خلف الوعد ..
انت الآن رجل أو ( أمرأه ) شجاع ينقصك فقط ..
الإرتباط الوثيييييق بالله تعالى ( بالصلاه ) ..
ياولدي الله تعالى يفرح بعودتك للصلاه أشد من فرح التائه في الصحراء لما يجد راحلته التي تاهت عنه وعليها طعامه وشرابه لم يسرقها أحد ..

هنا راح يكون التأثر .. لما شهد على نفسه انه مايستحق نعمه الله تعالى عليه ..
لكن اجعليه يثق بالله تعالى بأنه لما يعود يجد الله تعالى مرحبا بعودته مهما كان مقصرا في طاعه الله تعالى ..

قولي له ان شخصا عبد الله تعالى 40 سنه ثم عصى الله تعالى 40 سنه فلما رجع وتاب أخذ يبكي
فقال له الله تعالى يافلان ..
أطعتنا فقربناك ... وعصيتنا ف .... كل منا يقول بعدناك .. الا الله تعالى يقول ...
فأمهلناك ..
ولو رجعت الينا قبلناك ..

هل ستقول هذا الكلام لمن وعدك فأخلفك ؟
الله تعالى ينعم عليك بالسمع والبصر والصحه والعافيه وانت لاتشكره
ينعم عليك بالستر والحفظ والعقل وانت لاتعبده ..
ينعم عليك بنعم كثييييييرة ويحفظها لك وانت لا تصلي له تعالى ..
تدعوه لما تمرض .. تدعوه لما يمرض أحد أطفالك .. تدعوه لما تدخل الإمتحان .. تدعوه في الشده وهو يجيب لك سبحانه وتعالى .. أما عند الرخاء .. فلا تدعوه ولا ترجوه ولاتصلي في الموعد الذي بينكما ..

أسأل الله تعالى بمنه وكرمه أن يقبل توبتنا وأوبتنا أنه تعالى ولي ذلك والقادر عليه ....
لا أبيح من ينسب هذا الموضوع لنفسه في الدنيا والآخره والله تعالى يراه ويسمعه والله خير الشاهدين .
م ،ن

يعطيك الف عافييييييييييييييييه